હળવદ શહેરમાં વાહનની સાઈડ કાપવા જતા અકસ્માત સર્જાયો, યુવકનું મોત.

December 28, 2023

હળવદ શહેરના વિનોબા ભાવે ગ્રાઉન્ડ નજીક બાઈક લઈને પસાર થઈ રહેલા યુવક સુપર કેરી વાહનની સાઈડ કાપવા જતા અકસ્માત સર્જાયો હતો ત્યારે બાઈક ચાલકનું મોત નિપજ્યું હતું.

ત્યારે આ અંગે મળતી માહિતી મુજબ હળવદ શહેરના વિનોબા ભાવે ગ્રાઉન્ડ નજીક બાઈક લઈને પસાર થઈ રહેલા સુરેશભાઈ મોહનભાઇ શિહોરા જીજે – 36 – N – 2114 નંબરના સુપર કેરી વાહનની સાઈડ કાપવા જતા સુપર કેરીના ચાલકે કાવો મારતા બાઈક ચાલક સુરેશભાઇ પડી જતા માથાના ભાગે ગંભીર ઇજાઓ પહોંચતા મૃત્યુ નીપજ્યું હતું. બનાવ અંગે મૃતકના ભાઈ મનોજભાઈ શિહોરાએ હળવદ પોલીસ મથકમાં ફરિયાદ નોંધાવતા પોલીસે ગુન્હો નોંધી તપાસ શરૂ કરી છે.