ઉછીના પૈસા આપવાની ના પાડતા વૃદ્ધ પર હુમલો

July 20, 2024

મોરબીના સામા કાંઠે જંગલેશ્વર મહાદેવ મંદિર પાસે ભડિયાદ કાંટા સામે રહેતા અને ચોકીદાર કરતા દેવજીભાઈ છગનભાઇ પરમાર (ઉ.વ.૬૫) એ આરોપી પ્રભુભાઈ બાબુભાઈ સુરેલા રહે. ભડીયાદ રામાપીરના ઢોરે મોરબીવાળા વિરુદ્ધ મોરબી સીટી બી ડીવીજન પોલીસ સ્ટેશનમાં ફરીયાદ નોંધાવતા જણાવ્યું હતું કે ફરીયાદી પોતાની ચોકીદારીની નોકરી પુરી કરી પગપાળા ચાલીને ઘર તરફ આવતા હતા ત્યારે આરોપી સામા મળતા આરોપીએ ફરીયાદી પાસે હાથ ઉછીના રૂપિયા માંગતા તે ફરીયાદીએ આપવાની ના પાડતા આરોપી પ્રભુભાઇએ ઉશ્કેરાઇ જઇ ફરીયાદીને જાતી પ્રત્યે અપમાનીત કરી ગાળો આપી છરી વડે ગંભીર ઇજા પહોંચાડી હોવાની ફરીયાદ નોંધાવતા પોલીસે કાયદેસરની કાર્યવાહી હાથ ધરી છે.