હળવદના રણમલપુર ગામેથી બાઈક ચોરીની ફરીયાદ નોંધાઈ

July 10, 2025

હળવદ તાલુકાના રણમલપુર ગામે દેવકરણભાઈ કેશવજીભાઇ પટેલના ઘર પાસેથી વૃદ્ધનું મોટરસાયકલ કોઈ અજાણ્યો ચોર ઈસમ ચોરી કરી લઇ ગયો હોવાની હળવદ પોલીસ સ્ટેશનમાં ફરીયાદ નોંધાઈ છે.

મળતી માહિતી મુજબ હળવદ તાલુકાના રણમલપુર ગામે રહેતા પુનાભાઈ દેવાભાઈ રાઠોડ (ઉ.વ.૬૦) એ આરોપી અજાણ્યા ચોર ઈસમ વિરુદ્ધ હળવદ પોલીસ સ્ટેશનમાં ફરીયાદ નોંધાવતા જણાવ્યું હતું કે રણમલપુર ગામે દેવકરણભાઈ કેશવજીભાઇ પટેલના ઘર પાસે ફરીયાદનુ પાર્ક કરેલ હિરો કંપનીનું સ્પ્લેન્ડર પ્લસ મોટરસાયકલ રજીસ્ટર નંબર -જીજે-૧૩- એમ.એમ-૭૨૫૩ જેની કિંમત રૂપિયા ૨૦,૦૦૦ વાળુ કોઈ અજાણ્યો ચોર ઈસમ ચોરી કરી લઇ ગયો હોવાની ફરીયાદ નોંધાવતા પોલીસે ફરીયાદના આધારે ગુન્હો નોંધી આગળ તપાસ હાથ ધરી છે.