યુવાશક્તિ ફાઉન્ડેશન દ્વારા અડધી રાત્રે B નેગેટીવ બ્લડની જરૂરિયાત પૂર્ણ કરાઈ
મોરબી જીલ્લાના વાંકાનેર તાલુકાના વતની એવા હુસેનભાઇ મહમદભાઈ મશયક હોસ્પિટલ ખાતે સારવાર માં આવેલ અને સારવાર દરમિયાન B નેગેટિવ બ્લડની જરૂરિયાત ઉભી થઈ જતા મોરબીની લાઈફ કેર બ્લડબેંક દ્વારા યુવાશક્તિ ફાઉન્ડેશન નો સંપર્ક કરાયો હતો. જેથી યુવાશક્તિ ફાઉન્ડેશન ના સભ્ય નિખિલ અશોકભાઈ લોરિયા અને વિરેન અશોકભાઈ લોરિયા દ્વારા રાત્રીના 11 વાગે લાઈફ કેર બ્લડબેંક માં પહોંચીને B નેગેટિવ બ્લડ ડોનેટ કરી દર્દીની જરૂરિયાત પૂર્ણ કરવામાં આવી હતી. આવા ઇમરજન્સી જરૂરિયાત ના સમયે મદદરૂપ થવા બદલ દર્દીના પરિવાર દ્વારા નિખિલ ભાઈ, વિરેન ભાઈ અને યુવાશક્તિ ફાઉન્ડેશન નો આભાર વ્યકત કરવામાં આવ્યો હતો
અત્રે જણાવી દઈએ કે બ્લડ ગ્રુપ એ, બી, એબી, ઓ પોઝિટિવ અથવા નેગેટીવ ગ્રૂપ નો સમાવેશ કરવામાં આવે છે જેમાં નેગેટીવ બ્લડ ગ્રુપ ભાગ્યે જ કોઈકને હોઈ છે ત્યારે દુર્લભ બ્લડ ની જરૂરિયાત ઊભી થઈ જતાં ક્યારેક દર્દીનું જીવ જોખમમાં મુકાઈ જતું હોય છે ત્યારે યુવાશક્તિ ફાઉન્ડેશન ના સભ્ય મોરબી અને રાજકોટ માં દિવસ હોઈ કે રાત કોઈ પણ બ્લડની ઇમરજન્સી જરૂરિયાત પૂર્ણ કરવા હંમેશા ખડેપગે રહે છે ને હજારો લોકોને જીવનદાન આપી ચૂક્યું છે. યુવાશક્તિ ફાઉન્ડેશન દ્વારા ચલાવવામાં આવતા સેવાકાર્યમાં જોડાવા માટે કે કોઈને બ્લડ ની ઇમરજન્સી જરૂરિયાત સમયે હેલ્પલાઇન નંબર 9349393693 પર સંપર્ક કરી શકો છો
