મોરબીના સરકારી દવાખાના અંદરથી બાઈક ચોરી થયાની ફરીયાદ નોંધાઈ

July 1, 2025

મોરબી શહેરમાં આવેલ સરકારી દવાખાનાની અંદર મુખ્ય ગેટના પિલર પાસેથી આધેડનું કોઈ અજાણ્યો ચોર ઈસમ બાઈક ચોરી કરી લઇ ગયો હોવાની એ ડીવીઝન પોલીસ સ્ટેશનમાં ફરીયાદ નોંધાઈ છે.

મળતી માહિતી મુજબ મોરબીના પંચાસર રોડ પર આવેલ રાજનગર સોસાયટીમાં હનુમાનજી મંદિરની બાજુમાં રહેતા મનિષભાઇ પ્રહલાદભાઈ ભટ્ટ (ઉ.વ.૪૭) એ આરોપી અજાણ્યા ચોર ઈસમ વિરુદ્ધ મોરબી સીટી એ ડીવીઝન પોલીસ સ્ટેશનમાં ફરીયાદ નોંધાવતા જણાવ્યું હતું કે સરકારી દવાખાનામાં પાર્ક કરેલ ફરીયાદી નું સ્પ્લેન્ડર પ્લસ મોટરસાયકલ રજીસ્ટર નંબર -જીજે-૦૩- ઈ.એફ-૧૭૭૩ જેની કિંમત રૂ. ૨૦,૦૦૦ વાળુ કોઈ અજાણ્યો ચોર ઈસમ ચોરી કરી લઇ ગયો હોવાની ફરીયાદ નોંધાવતા પોલીસે ફરીયાદના આધારે ગુન્હો નોંધી આગળ તપાસ હાથ ધરી છે.