મોરબીના લાતી પ્લોટમાં CNG રીક્ષામાંથી વિદેશી દારૂની 48 બોટલો સાથે એક ઝડપાયો
મોરબીના લાતી પ્લોટ મેઈન રોડ ઉપર લાતી પ્લોટ શેરી નં -૧૨ માથી ધોબી શેરી તરફ જતા રસ્તામાં સિ.એન.જી. રીક્ષામાંથી વિદેશી દારૂની ૪૮ બોટલો સાથે એક ઈસમને મોરબી સીટી એ ડીવીઝન પોલીસે ઝડપી પાડયો છે જ્યારે અન્ય એક શખ્સ સ્થળ પર હાજર ન મળી આવતા પોલીસે તેને ઝડપી પાડવા શોધખોળ હાથ ધરી છે.
મળતી માહિતી મુજબ મોરબી સિટી એ ડીવીઝન પોલીસ પેટ્રોલિંગમા હોય તે દરમ્યાન મોરબીના લાતી પ્લોટ મેઈન રોડ ઉપર લાતી પ્લોટ શેરી નં -૧૨ માથી ધોબી શેરી તરફ જતા રસ્તામાં આરોપીએ પોતાના કબ્જા ભોગવટા વાળી સી.એન.જી. રીક્ષા રજીસ્ટર નંબર -જીજે-૦૩- એએક્સ -૩૭૧૫ વાળીમા વેચાણ કરવાના ઈરાદાથી રાખેલ વિદેશી દારૂની બોટલ નંગ -૪૮ કિં રૂ. ૨૪૦૦૦ તથા રીક્ષા કિં રૂ.૬૦,૦૦૦ મળી કુલ કિં રૂ. ૮૪૦૦૦ ના મુદ્દામાલ સાથે આરોપી અવેશભાઈ રમજુભાઈ ચાનિયા (ઉ.વ.૩૫) રહે. લાતી પ્લોટ શેરી નં -૧૧-૧૨ વચ્ચે મોરબીવાળાને સિટી એ ડિવિઝન પોલીસે ઝડપી પાડયો છે જ્યારે અન્ય એક શખ્સ તોફીકભાઈ દાઉદભાઈ ચાનિયા રહે. લાતી પ્લોટ શેરી નં -૧૨ મોરબીવાળો સ્થળ પર હાજર ન મળી આવતા પોલીસે આરોપીઓ વિરુદ્ધ મોરબી સીટી એ ડીવીઝન પોલીસ સ્ટેશનમાં પ્રોહીબીશન એક્ટ હેઠળ ગુન્હો નોંધી કાયદેસરની કાર્યવાહી હાથ ધરી છે.
