હળવદ :- બાઈક ચાલકને હડફેટે લઈ ટ્રક ચાલક નાસી છૂટયો, યુવકને સારવાર અર્થે ખસેડાયો
હળવદમાં ચરાડવાથી મોરબી જતા રોડ પર ટ્રક ચાલકે અચાનક રોન્ગ સાઈડમાં વણાંક લેતા બાઈક સાથે અકસ્માત સર્જાયો હતો. જેને પગલે બાઈક ચાલક ગંભીર રીતે ઈજાગ્રસ્ત થયો છે. જેને પગલે હળવદ પોલીસ મથકમાં ફરિયાદ દાખલ થવા પામી છે.
જેમાં ફરિયાદી અજીમભાઇ કાસમભાઇ પાયકે જણાવ્યું હતું કે, તેઓ પોતાનું બાઈ લઇ મોરબી તરફ જતા હતા ત્યારે આરોપીએ પોતાના હવાલા વાળી ટ્રક નંબર RJ-02-GB-1750 વાળી પુર ઝડપે અને ગફલતભરી રીતે સામેથી રોંગ સાઇડમાં આવી અજીમભાઇ ને ફુલ લાઇટ મારી અંજવાઇ દઇ અજીમભાઇના બાઈક સાથે ટ્રક ભટકાડી અજીમભાઇને શરીરે નાની મોટી ઇજા કરી બંને પગના પંજા ઉપર ટ્રકના આગળના વ્હીલ ચડાવી દઇ ફેકચર કરી ઇજા કરી આ ટ્રક ડ્રાઇવર પોતાના હવાલાવાળી RJ-02-GB-1750 નંબરની ગાડી લઇને સ્થળ પરથી નાસી ગયો થતો.આ ફરિયાદીના આધારે હળવદ પોલીસે ગુનો નોંધી કાયદેસરની કાર્યવાહી હાથ ધરી છે.
