મોરબીના ભરતનગર ગામ નજીક કારે બાઇકને હડફેટે લેતા યુવકનું મોત; એક ઈજાગ્રસ્ત
મોરબી: મોરબી – માળિયા હાઈવે પર ભરતનગર ગામ નજીક અન્નપૂર્ણા હોટલ સામે રોડ ઉપર વેગેનઆર કારે બાઇકને હડફેટે લેતા યુવકનું મોત નિપજ્યું હતું જ્યારે એક વ્યક્તિ ઈજાગ્રસ્ત થયો હતો. આ બનાવ અંગે ભોગ બનનારે આરોપી કાર ચાલક વિરુદ્ધ મોરબી તાલુકા પોલીસ મથકે ફરીયાદ નોંધાવી છે.
મળતી માહિતી મુજબ મોરબી નવલખી રોડ યમુનાનગર -૨ કુળદેવી પાન સામે રહેતા જીગ્નેશભાઈ રોહિતભાઈ ચાવડા (ઉ.વ.૩૪) એ આરોપી વેગનઆર કાર રજીસ્ટર નંબર- GJ-11- BH-5091 ના ચાલક વિરુદ્ધ મોરબી તાલુકા પોલીસ સ્ટેશનમાં ફરીયાદ નોંધાવી છે કે ગત તા. ૧૯-૧૨-૨૦૨૨ ના રોજ સાંજના આશરે ચારેક વાગ્યાના અરસામાં આરોપી વેગનઆર મોટરકાર નંબર GJ-11-BH-5091 વાહન ચાલકે પોતાના હવાલા વાળૂ વાહન પુર ઝડપે અને ગફલતભરી રીતે માણસોની જીંદગી જોખમાય તેમ બેફીકરાયથી બેદરકારીથી ચલાવી ફરિયાદી તેમજ તેના ભત્રીજા રાહુલભાઈ પ્રભાતભાઈ ચાવડા ઉ.વ.૨૭ વાળા તેમનું હોન્ડા સાઈન મોટરસાયકલ નંબર GJ-03-HD-9564 વાળું રોડના સાઈડ પર ચલાવી જતા હતા ત્યારે ઉપરોક્ત સમયે અને જગ્યાએ ફરીયાદીનાં મોટરસાયકલને હડફેટે લઇ પછાડી દેતા ફરીયાદીના ભત્રીજા રાહુલભાઈને માથામાં ગંભીર ઇજા થતા સારવાર દરમ્યાન મોત નિપજ્યું હતું. તેમજ ફરિયાદીને બંને પગમાં ,કમરમાં છાતીના ભાગે ગંભીર ફેકચર જેવી ઇજા પહોંચી હતી. આ બનાવ અંગે ભોગ બનનાર જીગ્નેશભાઈએ આરોપી કાર ચાલક વિરુદ્ધ મોરબી તાલુકા પોલીસ સ્ટેશનમાં ફરીયાદ નોંધાવતા પોલીસે ફરીયાદના આધારે આરોપી વિરુદ્ધ IPC કલમ- ૨૭૯ ,૩૩૭, ૩૩૮,૩૦૪(અ) તથા MV ACT કલમ-૧૭૭,૧૮૪, મુજબ ગુન્હો નોંધી કાયદેસરની કાર્યવાહી હાથ ધરી છે.
