ગાળા ગામના પાટીયા નજીક સ્કોર્પિયો કારમાં દેશી દારૂનો જથ્થો ઝડપાયો.

August 6, 2023

મોરબી તાલુકા પોલીસે મોરબી માળિયા હાઇવે પર ગાળા ગામના પાટીયા નજીક બાતમીને આધારે રેડ કરી હોય ત્યારે સ્થળ પરથી સ્કોર્પિયો કાર માં દેશી દારૂ ભરી હેરફેર કરતો એક શખ્સ મળી આવ્યો હતો ત્યારે પોલીસે તેમને પકડી પાડ્યો છે.

ત્યારે આ અંગે મળતી માહિતી મુજબ મોરબી તાલુકા પોલીસે મોરબી – માળીયા હાઇવે ઉપર ગાળા ગામના પાટિયા નજીકથી બાતમીને આધારે આરોપી મહમદહનીફ ફારૂકભાઈ ભટ્ટી, રહે. નવલખી ફાટક પાસે મોરબી વાળાને સ્કોર્પિયો કારમાં 200 લીટર દેશી દારૂ કિંમત રૂપિયા 4000 તેમજ 2 લાખની સ્કોર્પિયો કાર સહિત 2.04 લાખના મુદ્દામાલ સાથે ઝડપી લઈ પ્રોહીબિશન એકટ મુજબ કાર્યવાહી કરી હતી.