મોરબી જીલ્લાને મળેલ સરકારી મેડીકલ કોલેજ અંગે ગત તા. ૧૩ એપ્રિલને બુધવારના રોજ મળેલ બેઠકમાં રાજય સરકારના આરોગ્યમંત્રી ઋષિકેશભાઈ પટેલ સાથે મોરબી માળીયા વિધાનસભાના ધારાસભ્ય તથા ગુજરાત સરકારના પંચાયત અને શ્રમ મંત્રી બ્રિજેશભાઈ મેરજા, મોરબી જીલ્લા ભારતીય જનતા પાર્ટીના અધ્યક્ષ દુર્લભજીભાઈ દેથરીયા, ભાજપ અગ્રણી રાઘવજીભાઈ ગડારા, અનિલભાઈ મહેતા, મોરબી જીલ્લા ભાજપ સંગઠનના પ્રભારી ભાનુભાઈ મેતા, મોરબીના આગેવાન વેલજીભાઈ બોસ, ભાજપ મહામંત્રી રણછોડભાઈ દલવાડી, જયુભા જાડેજા, જેસંગભાઈ હુંબલ, હળવદ ધ્રાંગધ્રાના ધારાસભ્ય પરસોત્તમભાઈ સાબરીયા, જીલ્લા પંચાયતના પ્રમુખ ચંદુભાઈ શીહોરા, જીલ્લા પંચાયતના ઉપપ્રમુખ જાનકીબેન જીજ્ઞેશભાઈ કૈલા, શહેર ભાજપના પ્રમુખ લાખાભાઈ જારીયા, શહેર ભાજપ મહામંત્રી રીશીપભાઈ કૈલા અને ભાવેશભાઈ કંઝારીયાએ ઈન્ડીયન મેડીકલ એસોસીએશનના આગેવાનોને સાથે રાખી મોરબીની મેડીકલ કોલેજ સરકારી મેડીકલ કોલેજ તરીકેની માન્યતા ચાલુ રહે તે અંગે મીટીંગ દરમિયાન રજુઆત કરી હતી જેમાં આરોગ્ય મંત્રીએ સર્વે આગેવાનોને પુર્ણ ખાતરી આપેલ હતી કે, અગાઉ મોરબી જીલ્લામાં જે કોલેજ મંજુર થઈ હતી એ જ પ્રમાણે રહેશે અને કોઈપણ જાતનો એમાં બદલાવ કરવામાં આવશે નહીં.
આ અંગે ભાજપ પ્રમુખ દુર્લભજીભાઈએ જણાવ્યું હતું કે, મોરબી કોંગ્રેસ મેડીકલ કોલેજ અંગે પત્રકાર પરિષદ કરી મોરબી જીલ્લાની પ્રજાને જ્યારે ગુમરાહ કરી રહી છે ત્યારે કોંગ્રેસે પોતાના 70 વર્ષના શાસનકાળમાં મોરબી જીલ્લાના તાલુકાઓમાં શું વિકાસ કર્યો છે તે પ્રજા જાણે છે માટે પ્રજા કોંગ્રેસને જાકારો આપી રહી છે. મોરબી જીલ્લા કોંગ્રેસ દ્વારા મેડીકલ કોલેજ માટે ઉપવાસ આંદોલન કરી પ્રજાને ગુમરાહ કરવાના જે પ્રયત્નો કરવામાં આવ્યો છે તે કૃત્યની જીલ્લા ભાજપના આગેવાનોએ ઘોર આલોચના કરી છે તેમજ મોરબી જીલ્લા ભારતીય જનતા પાર્ટીના આગેવાનો અને કાર્યકર્તાઓ મોરબી જીલ્લાની દરેક પ્રજાને સરકારની સુશાસનની સુવિધાઓ છેવાડાના માનવી સુધી સરકારી ધોરણે મળી રહે તે માટે હરહંમેશ સંકલ્પિત છે અને સદાય સંકલ્પિત રહેશે તેવું અંતમાં જણાવ્યું હતું.
