ટંકારાના કલ્યાણપર ગામેથી જુગાર રમતા છ શકુનીઓ ઝડપાયા

June 17, 2022

ટંકારાના કલ્યાણપર ગામે જાહેરમાં જુગાર રમાતો હોવાની બાતમીને આધારે ટંકારા પોલીસે દરોડો પાડી સ્ટ્રીટ લાઈટના અંજવાળે જુગાર રમતા છ શખ્સોને રોકડ રૂપિયા 15,170 સાથે ઝડપી પાડીને આગળની કાર્યવાહી હાથ ધરી છે.

મળતી માહિતી મુજબ ટંકારા પોલીસ ટીમ નાઈટ પેટ્રોલિંગમાં હોય તે દરમિયાન બાતમી મળી હતી કે, ટંકારાના કલ્યાણપર ગામે મેઈન બજારમાં સ્ટ્રીટ લાઈટના અંજવાળે કેટલાક શખ્સો જુગાર રમે છે જે બાતમીના આધારે ટંકારા પોલીસે કલ્યાણપર ગામે મેઈન બજારમાં દરોડો પાડીને સ્ટ્રીટ લાઈટના અંજવાળે જુગાર રમતા કીશોરભાઇ જેરાજભાઇ દેત્રોજા, ભરતભાઇ વાધજીભાઇ ઝાપડા, દીલાવરભાઇ મુસાભાઇ ભાણુ, કેતનભાઇ જેરાજભાઇ ઢેઢી, સલીમભાઇ દાઉદભાઇ ભાણુ અને કાદરભાઇ હસનભાઇ મકવાણાને રોકડ રૂપિયા 15,170 સાથે ઝડપી પાડીને ધોરણસરની કાર્યવાહી હાથ ધરી હતી .