મોરબીના વાવડી રોડ પરની રામ પાર્ક સોસાયટીમાં નવો રોડ બનાવવા રજૂઆત

April 28, 2022

મોરબી શહેરના વાવડી રોડ પર આવેલ રામ પાર્ક શેરી નં 01 નાં રોડ ની હાલત ખરાબ હોય રોડ પર ગાબડા પડતા બિસ્માર હાલતમાં છે જેથી નવો રોડ બનાવવાની માંગ સાથે પાલિકાના ચીફ ઓફિસરને રજૂઆત કરવામાં આવી છે.

મોરબીના રામપાર્ક શેરી નં 01 ના રહેવાસીઓએ ચીફ ઓફિસરને લેખિત રજૂઆત કરી જણાવ્યું છે કે, રાજસાબ બેકરી વાળી શેરીમાં જ્યાં મહમદ સલીમ મસ્જીદ આવેલ છે જેના કારણે વિસ્તારમાં ટ્રાફિક રહે છે જોકે વિસ્તારના રસ્તા બિસ્માર છે અને ખાડાઓ પડી ગયા છે જેથી અવરજવર કરવામાં મુશ્કેલી પડે છે. હાલ રજૂઆત કરનારના વિસ્તારની આગલી શેરીમાં રોડ બને છે જેથી રામ પાર્કમાં પણ નવો રોડ બનાવવા ઘટતી કાર્યવાહી કરવામાં આવે તેવી માંગ કરવામાં આવી છે.