મહેન્દ્રનગર ગામે શાળા પ્રવેશોત્સવ કાર્યક્રમમાં કોંગ્રેસ નેતા પ્રવેશ કરે તે પહેલાં જ પોલીસ દ્વારા અટકાયત

June 25, 2022

મોરબીના મહેન્દ્રનગર ગામે શાળા પ્રવેશોત્સવમાં હાજરી આપવા ગયેલા કોંગ્રેસ નેતાને કડવો અનુભવ થયો છે જેમાં કોંગ્રેસના અગ્રણી મુકેશ ગામી મહેન્દ્રનગરની શાળાના શાળા પ્રવેશોત્સવ કાર્યક્રમમાં પ્રવેશ કરે તે પહેલાં ગેટ પાસેથી જ તેમની બી ડિવિઝન પોલીસ દ્વારા અટકાયત કરી લેવામાં આવી હતી.

આ અંગે મુકેશભાઈએ જણાવ્યું હતું કે, હું કોઈ વિરોધ કરવા ગયો ન હતો, માત્ર કાર્યક્રમ જોવા જવાનો હતો પરંતુ શાળામાં પ્રવેશ કરું તે પહેલાં જ પોલીસે વાનમાં પરાણે બેસાડી દીધો અને અટકાયત કરી લીધી હતી. જોકે હાલમાં તો મૂકેશ ગામોને નજરકેદ રાખવામાં આવ્યા છે. આ મામલે મોરબી કોંગ્રેસે રોષ વ્યક્ત કરી આ બનાવને વખોડી કાઢ્યો છે.