(અહેવાલ: ભવિષ જોષી – હળવદ)
હળવદ સરા ચોકડી પાસે આવેલ શ્રીજી મલ્ટીસ્પેશ્યાલીટી શરૂ થતાં જ વિવાદમાં આવી હતી. આ હોસ્પિટલ પાસે કોઈ પ્રકારની નગરપાલિકાની પરમિશન નથી નથી બાંધકામ મંજૂરી, નથી ફાયર એનોસી, નથી બી યું પરમિશન છતાં પણ સંચાલકોને કોનો પાવર છે ! આ વિવાદિત હોસ્પિટલ શરૂ થતાંની સાથે જ વિવાદોમાં ઘેરાયેલી છે.
હળવદ પાલિકાએ વારમવાર શ્રીજી મલ્ટીસ્પેશ્યાલીટી હોસ્પિટલને નોટિસ આપી પરંતુ ત્યાંના સંચાલકો દ્વારા કોઈ જ પ્રકારની કાર્યવાહી કરવામાં આવી ન હતી. હળવદ નગરપાલિકાએ આ અગાઉ પણ મંજૂરીના કાગળો માંગ્યા હતા. પરંતુ હોસ્પિટલ પાસે કોઈ જ પ્રકારની મંજુરી ન હોવાથી આખરે હોસ્પિટલને તાળું મારવુ પડ્યું હતું. વિવાદિત હોસ્પિટલને બચાવવા અનેક રાજકીય આકાઓની મદદ માંગવામાં આવી પરંતુ કોઈએ સાથ ન આપતા આખરે નગરપાલિકા હોસ્પિટલને શીલ કરે તે પહેલા હોસ્પિટલના સંચાલકો દ્વારા જ હોસ્પિટલને તાળા મારવામાં આવ્યા હોવાનુ જણાયું છે.
