હળવદમાં જુના ઝઘડાનો ખાર રાખી યુવાનને છરી ઝીંકી, ફરિયાદ નોંધાઈ

November 14, 2021

હળવદના લક્ષ્મીનારાયણ ચોકમાં અગાઉના ઝઘડાનું વેર વાળવા દેવર્ષિ નામના શખ્શે યુવાનને ફડાકા ઝીંકી છરી વડે હુમલો કર્યો હોવાનો બનાવ સામે આવ્યો છે. આ બનાવ અંગે પોલીસ ફરિયાદ નોંધાતા પોલીસે વધુ તપાસ હાથ ધરી છે.

હળવદના લક્ષ્મીનારાયણ ચોકમાં આવેલ પાણીની પરબ પાસે દેવર્ષિ હિતેશભાઇ રાવલ (રહે. દરબાર નાકે, હળવદ) નામના શખ્શએ જૂના-ઝઘડાનો ખાર રાખી હળવદના કણબીપરા મોરબી દરવાજા બહાર રહેતા યશ ઉર્ફે ગૌતમભાઇ જયંતીભાઇ ગોઠી (ઉ.વ.૧૮)ને બે ત્રણ લાફા ઝીંકી ઝઘડો કર્યો હતો. આ ઉપરાંત બેફામ વાણી વિલાસ કરતા ફરિયાદીએ ના પડતા આરોપીએ પિત્તો ગુમાવ્યો હતો અને નેફામાંથી છરી કાઢી યશને ગળાના નિચેના ભાગે ઘા માર્યો હતો. આ બનાવને પગલે યશે હળવદ પોલીસમા ફરિયાદ નોંધાવતા પોલીસે આરોપીને પકડી પાડવા સહિતની કર્યાવહી હાથ ધરી છે.