વાંકાનેરની અમરસર ફાટક પાસે ટ્રેન હેઠળ કપાઈ જતાં યુવાનનું મોત

October 27, 2021

વાંકાનેર શહેર નજીક આવેલ અમરસર ફાટક પાસે ટ્રેન નીચે કપાઈ જતા યુવાનનું કમકમાટીભર્યું મોત નીપજ્યું હતું. વાંકાનેર પોલીસે આ બનાવની નોંધ કરી આગળની કાર્યવાહી હાથ ધરી છે.

વાંકાનેર નજીક અમરસર રેલ્વે ટ્રેક ઉપર સૌરાષ્ટ્ર જનતા ટ્રેઇનની નીચે જીતેન્દ્રસિંહ કેશુભાઈ સોલંકી (રહે વાંકાનેર આરોગ્યનગર નં-૯) નામનો યુવાન કપાઇ જતા તેનું કમકમાટીભર્યું મોત નીપજ્યું હતું. જેથી તેના મૃતદેહને પી.એમ અર્થે હોસ્પિટલમાં ખસેડવામાં આવ્યો હતો. આ બનાવની વાંકાનેર રેલ્વે સ્ટેશન માસ્તર પ્રણવ કુમારે વાંકાનેર પોલીસને જાણ કરતા પોલીસે આ બનાવની નોંધ કરી બનાવ અકસ્માતનો છે કે આપઘાતનો તે જાણવા તપાસ હાથ ધરી છે.