લ્યો બોલો હવે તો પાણી પુરવઠા બોર્ડના સ્ટોરમાં રાખેલ લોખંડની પણ ચોરી થઈ ગઈ. મોરબીના નજરબાગ નજીક આવેલ પાણી પુરવઠા બોર્ડના સ્ટોરમાંથી આશરે 80 કિલો લોખંડની ચોરી થઈ હોય ત્યારે આ બાબતે પોલીસ મથક ખાતે ફરિયાદ નોંધાવવામાં આવી છે. પોલીસે ફરિયાદના આધારે કાયદેસરની કાર્યવાહી હાથ ધરી છે.
આ અંગે મળતી માહિતી મુજબ મોરબી શનાળા રોડ કાયાજી પ્લોટ સૃષ્ટિ એપાર્ટમેન્ટ ફ્લેટ નં -૪૦૧મા રહેતા ક્ષિતીજભાઈ દેવનારાયણભાઈ વર્મા (ઉ.વ.૩૪) એ આરોપી અશોકભાઈ રામજીભાઈ ભોરણીયા રહે. નાની વાવડી તા. મોરબીવાળા વિરુદ્ધ મોરબી સીટી બી ડિવિઝન પોલીસ સ્ટેશનમાં ફરીયાદ નોંધાવતા જણાવ્યું હતું કે આરોપી નજરબાગ પાણી પુરવઠા બોર્ડના હેડ વર્કસ(સ્ટોર્સ)મા રોજમદાર તરીકે નોકરી કરતા હોય અને નજરબાગ પાણી પુરવઠા બોર્ડના હેડ વર્કસ (સ્ટોર્સ)મા રાખેલ વધારાનો લોખંડના પાઇપના ટુકડાનો પડેલ ભંગાર આશરે-૮૦ કી.ગ્રા. જેની આશરે કી.રૂ-૨૦૦૦/-ની ચોરી કરી પોતાની બોલેરો પીકઅપ ગાડી નંબર-જીજે-૩૬-ટી-૦૭૯૩ વાળીમા ભરીને ગયા હોવાની ફરીયાદ નોંધાવતા પોલીસે કાયદેસરની કાર્યવાહી હાથ ધરી છે.
