લક્ષ્મીનગર ગામ નજીક ટ્રક હડફેટે બાઈક સવાનું મોત.
મોરબીના લક્ષ્મીનગર ગામ નજીક લક્ષ્મીપ્લાઝા સામે આવેલ ડીવાઈડરની કટ પાસે રોડ ઉપર ટ્રકે હડફેટે લેતા બાઈક સવારનું પ્રૌઢનું મોત નિપજ્યું હતું.
ત્યારે આ અંગે મળતી માહિતી મુજબ મોરબીમાં સામા કાંઠે નિત્યાનંદ સોસાયટી શેરી નં -૦૩ ગુજરાત હાઉસીંગ બોર્ડમાં રહેતા નીલ કિરણભાઈ ભોજાણી (ઉ.વ.૨૨)એ ટાટા ટ્રક રજીસ્ટર નંબર – GJ-12-AU-5801 ના ચાલક વિરુદ્ધ મોરબી તાલુકા પોલીસ સ્ટેશનમાં ફરીયાદ નોંધાવી છે કે ગત તા.૨૨-૦૪-૨૦૨૩ ના રોજ સવારના આશરે પોણા સાતેક વાગ્યાના અરસામાં ટાટા ટ્રક રજીસ્ટર નંબર- GJ-12-AU-5801 ના ચાલકે પોતાનું વાહન પુર ઝડપે અને બેફીકરાઈથી માણસોની ઝિંદગી જોખમાય તેમ ચલાવી આવી ફરીયાદીના પિતાજી કિરણભાઇ નરાશીભાઇ ભોજાણી ઉ.વ.૫૦ વાળાને મોટરસાયકલ હોન્ડા(સાઈન) રજીસ્ટર નંબર-GJ-03-FL-1545 મોટરસાયકલ સહિત ડીવાડરની કટમાંથી હાઇવે રોડ પર ચડવા જતા સામેથી ઠોકર મારી હડફેટે લઇ ફરીયાદીના પિતાજીને શરીરે ગંભીર ઈજા પહોંચાડી મોત નિપજાવી પોતાનો ટ્રક રેઢુ મુકી નાશી ગયો હતો. આ બનાવ અંગે મૃતકના પુત્રએ આરોપી ટ્રક ચાલક વિરુદ્ધ મોરબી તાલુકા પોલીસ સ્ટેશનમાં ફરીયાદ નોંધાવતા પોલીસે ફરીયાદના આધારે આરોપી વિરુદ્ધ ગુન્હો નોંધી કાયદેસરની કાર્યવાહી હાથ ધરી છે.
