મોરબી: સાસંદ મોહનભાઈ કુંડારિયાની ગ્રાન્ટમાંથી ઘુંટુ માટે 2 એમ્બ્યુલન્સ ફાળવાઇ

May 29, 2021

મોરબી: સાંસદ મોહન કુંડારીયા દ્વારા સાંસદ તરીકે મળતી ગ્રાન્ટમાંથી રાજકોટ જિલ્લાના કોટડા, કુવાડવા અને પડધરી માટે ૩ તથા રાજકોટ શહેર માટે ૩ અને ટંકારા માટે ૧ એમ્બ્યુલન્સની ખરીદી કરી હતી. ત્યારે આજે શનિવારે લજાઈ અને ઘુંટુ માટે ૧-૧ એમ્બ્યુલન્સની ફાળવણી કરી છે. આવતા ૧૫ દિવસ બાદ વધુ ૨ એમ્બ્યુલન્સ તેઓની ગ્રાન્ટમાંથી ફાળવવામાં આવશે. જે ખરેડા અને વાંકાનેર માટે સેવારત રહેશે.

કુદરતી હવામાંથી જ સીધો ઉત્પન્ન થાય એવા ઓક્સિજન પ્લાન્ટ માટે પણ ગ્રાન્ટ સેન્ટરમાં ફાળવી છે. કુલ ૩ કરોડ અને ૨૫ લાખ જેટલી રકમ અત્યાર સુધીમાં આરોગ્ય ક્ષેત્રમાં ફાળવી હોવાનું જણાવી સાંસદે અંતમાં ઉમેર્યું હતું કે, ભવિષ્યમાં આ ક્ષેત્રમાં વધુ જરૂરિયાત પડશે તો આવનારા દિવસોમાં મળતી ગ્રાન્ટ પણ આરોગ્ય ક્ષેત્રે તેઓ ફાળવશે. તેમ સાસંદે પત્રકાર સાથેની વાતચીતમાં જણાવ્યું હતું.