માધાપર શેરી નંબર 13 ના રહેણાંક મકાનમાંથી વિદેશી દારૂની બોટલો મળી

August 8, 2024

મોરબીના માધાપર શેરી નંબર 13 માં આ કામના આરોપીના ભોગવટાવાળા મકાનમાં ઇંગ્લિશ દારૂની બોટલો મળી આવી હોય ત્યારે પોલીસે આરોપી વિરુદ્ધ ગુનો નોંધી કાયદેસરની કાર્યવાહી હાથ ધરી છે.

આ અંગે મળતી માહિતી મુજબ મોરબી જિલ્લામાં કેફી પદાર્થો અને દેશી દારૂ તેમજ વિદેશી દારૂ ના દુષણ એ માઝા મૂકી છે. ત્યારે મોરબી માધાપર શેરી નં -૧૩ માં રહેતા આરોપી દશરથસિંહ વનરાજસિંહ ઝાલાના કબ્જા ભોગવટા વાળા રહેણાંક મકાનમાંથી ઈંગ્લીશ દારૂની બોટલ નંગ -૦૮ કિં રૂ. ૨૪૦૦ નો મુદ્દામાલ મોરબી સીટી એ ડીવીઝન પોલીસે ઝડપી પાડયો છે જ્યારે આરોપી સ્થળ પર હાજર ન મળી આવતા પોલીસે આરોપી વિરુદ્ધ પ્રોહીબિશન એક્ટ હેઠળ ગુનો નોંધી કાયદેસરની કાર્યવાહી હાથ ધરી છે.