મોરબી તાલુકાના નારણકા ગામે આવતીકાલે મેરજા પરિવારનો 17મો પાટોત્સવ નિમિત્તે કેન્સર અવરનેશ કેમ્પ તેમજ હીમોગ્લોબિન ચેકઅપ તથા ફ્રી મેડીકલ ચેકઅપ કેમ્પનું આયોજન કરવામાં આવ્યું છે. જેનું ઉદ્ઘાટન માનનીય કૃષિ મંત્રી રાઘવજીભાઇ પટેલ તથા મોરબી જિલ્લા પ્રભારી મંત્રી દેવાભાઇ માલમના વરદહસ્તે કરવામાં આવશે. અમેરીકા સ્થિત કુંડારીયા કેન્સર અવરનેશ ફાઉન્ડેશન દ્વારા જરૂરીયાતમંદ લોકો માટે કેન્સર અવરનેશ કેમ્પ, હીમોગ્લોબિન ચેકઅપ, ફી દવા વિતરણ કાર્યક્રમ રાખવામાં આવેલ છે.
જેમાં આવતીકાલે તા.11ના રોજ નારણકા ગામે મેરજા પરિવાર દ્વારા યોજાયેલ ધાર્મિક પ્રસંગે પંચાયત, શ્રમ અને રોજગાર (સ્વતંત્ર હવાલો), ગ્રામ વિકાસ મંત્રી તથા રમેશભાઇ મેરજા (આઇ.એ.એસ) નું માનનીય કૃષિ મંત્રી રાઘવજીભાઇ પટેલ અને મોરબી જિલ્લા પ્રભારી મંત્રી દેવાભાઇ માલમના હસ્તે સન્માન થશે.
મોરબી તાલુકાના નારણકા ગામે મેરજા પરિવારના કૂળદેવી બહુચરાજી માતાજીના મંદિરે હળમતીયા, બગથરા, થોરાળા, મહેન્દ્રનગર, માનસર, નારણકા અને ચમનપર સંહિતના ગામોના મેરજા પરિવારના લોકો એકત્ર થઇને પરિવારના સભ્ય એવા રમેશભાઇ મેરજા, આઇ.એ.એસ.બનતા તથા બ્રિજેશભાઇ મેરજાને રાજય મંત્રીમંડળમાં સ્થાન મળતાં આ બન્ને ભાઇઓનું સન્માન કરવાનો મેરજા પરિવાર દ્વારા કાર્યક્રમ રાખવામાં આવેલ છે. આ તકે પાટોત્સવ અને સમૂહ પ્રસાદનું ભવ્ય આયોજન કરાયેલું છે, એટલુ જ નહિ પણ ભવ્ય શોભાયાત્રા પણ નિકળનાર છે.
આ કાર્યક્રમમાં રાજયના કૃષિ મંત્રી રાઘવજીભાઇ પટેલ તથા મોરબી પ્રભારી તેમજ પશુપાલન અને ગૌસંવર્ધન રાજયકક્ષાના મંત્રી દેવાભાઇ માલમ, માનનીય રાજયકક્ષાના પૂર્વ પંચાયત મંત્રી તથા ગુજરાત પ્રદેશ ભાજપા ઉપાધ્યક્ષ જયંતિભાઇ કવાડીયા, જિલ્લા ભાજપા પ્રમુખ દુર્લભજીભાઇ દેથરીયા, જિલ્લા ભાજપ મહામંત્રી રણછોડભાઇ દલવાડી, જેસંગભાઇ હુંબલ અને જયેન્દ્રસિંહજી જાડેજા ઉપરાંત જિલ્લા પંચાયત પ્રમુખ ચંદુભાઇ શિહોરા, ઉપપ્રમુખ જાનકીબેન કૈલા તથા કારોબારી ચેરમેન જયંતિભાઇ પડસુંબિયા, મોરબી નગરપાલિકા પ્રમુખ કે.કે.પરમાર, ઉપપ્રમુખ જયરાજસિંહ જાડેજા સ્ટેન્ડીંગ કમિટિ ચેરમેન સુરેશભાઇ દેસાઈ, મોરબી શહેર ભાજપ પ્રમુખ લાખાભાઇ જારીયા, મહામંત્રી રીપીપભાઇ કૈલા, મોરબી તાલુકા ભાજપા પ્રમુખ અરવિંદભાઇ વાંસદડિયા, મહામંત્રી બચુભાઇ રાણા અને બચુભાઇ ગરચર, માળીયા (મી) તાલુકા ભાજપા પ્રમુખ મણીલાલ સરડવા અને મહામંત્રી અરજણભાઈ હુંબલ, મનીષભાઇ કાંજીયા ઉપરાંત માળીયા(મી) તાલુકા પ્રભારી સુભાષભાઇ પડસુંબિયા વિગેરે સહિત ઉપસ્થિત રહેનાર છે. આ ઉપરાંત જિલ્લા કલેકટર, જિલ્લા પોલીસ અધિક્ષક, જિલ્લા વિકાસ અધિકારી, નિવાસી નાયબ કલેકટર તેમજ જિલ્લા કક્ષાના અધિકારીઓ ઉપરોકત કાર્યક્રમમાં ઉપસ્થિત રહેશે.
