એક્સેસ બાઈકમાં દારૂની હેરાફેરી કરતો એક ઈસમ ઝડપાયો.

February 14, 2023

મોરબીના લાતી પ્લોટ વિસ્તારમાંથી મોરબી એ ડિવિઝન પોલીસ દ્વારા એક ઈશમને પોતાના હવાલા વાળા એક્સેસમાં દારૂની હેરાફેરી કરતો પકડી પાડવામાં આવ્યો છે ત્યારે તેની અટકાયત કરી કાયદેસરની કાર્યવાહી હાથ ધરવામાં આવી છે.

આ અંગે મળતી માહિતી મુજબ મોરબીના લાતી પ્લોટ શેરી નં -૫ ના નાકાં નજીક જાહેર રોડ પર આરોપી શાહરૂખ ઈકબાલભાઈ બુચડ રહે. વાવડી રોડ ક્રિષ્ના પાર્ક સોસાયટી શેરી નં -૪ મોરબી વાળાએ પોતાના કબ્જા ભોગવટા વાળા એક્સેસ મોટરસાયકલ રજીસ્ટર નંબર GJ-38-AG-6439 કિં રૂ. ૩૦,૦૦૦ વાળામા ઈંગ્લીશ દારૂની બોટલ નંગ -૩ કિં રૂ. ૧૧૨૫ તથા મોટરસાયકલ કિં રૂ.૩૦,૦૦૦ મળી કુલ કિં રૂ.૩૧,૧૨૫ ના મુદ્દામાલ સાથે મોરબી સીટી એ ડીવીજન પોલીસે ઝડપી પાડી આરોપી વિરુદ્ધ પ્રોહીબિશન એક્ટ હેઠળ ગુન્હો નોંધી કાયદેસરની કાર્યવાહી હાથ ધરી છે.