સીમ્પોલો સીરામીક કારખાનામા લોડર ચાલકે હડફેટે લેતા સિક્યોરિટી ગાર્ડનુ મોત
મોરબી: મોરબીના જુના ઘુટુ રોડ ઉપર સીમ્પોલો સિરામિકના કારખાનામાં માટી ખાતાની દીવાલ પાસે ખુરશી ઉપર બેઠેલા સિક્યુરિટી ગાર્ડને લોડર ચાલકે હડફેટે લેતા સિક્યુરિટી ગાર્ડનું મોત નીપજ્યું હતું. લોડર ચાલક અકસ્માત સર્જી નાસી છૂટયો હતો.
મળતી માહિતી મુજબ મોરબીના જુના ઘુટુ રોડ ઉપર આવેલ સિમ્પોલો સિરામિક કારખાનામાં માટી ખાતાની દીવાલ પાસે ખુરશી ઉપર બેઠેલા મૂળ ઉત્તરપ્રદેશના ફતેહપુર જિલ્લાના મૌહારના વતની સિક્યુરિટી મેન શીવાશુ રામપાલસિંહ યાદવ, ઉ.વ.૧૯ નામના યુવક નોકરી દરમિયાન સીમ્પોલો સીરામીકના માટી ખાતામાં ખુરશી ઉપર બેઠા હતા ત્યારે ટ્રેકટર લોડર નં- GJ-13-AD-1046ના ચાલકે પુરઝડપે અને ગફલતભરી રીતે લોડર ચલાવી ખુરશીમા બેઠેલ શિવાંશભાઈને હડફેટે લઈ ગંભીર ઇજાઓ પહોંચાડી નાસી ગયો હતો. આ બનાવ અંગે મૃતકના ભાઈ કેશવ રામપાલ યાદવે અકસ્માત સર્જી નાસી છુટેલા લોડર ચાલક વિરુદ્ધ મોરબી તાલુકા પોલીસ સ્ટેશનમાં ફરિયાદ નોંધાવતા પોલીસે ગુન્હો નોંધી તપાસ શરૂ કરી છે.
